Alim bildirib ki, bu vaxta qədər həm azərbaycanlı, həm də gürcü alimlər Xunan şəhərinin Tovuz rayonunun Xatınlı və Əlimərdanlı kəndlərinin arasında olması fikrini qəbul ediblər.

Amma Azərbaycan alimləri yazılı mənbələrə və yeni arxeoloji materiallara istinadən Xunan şəhərinin Qazax rayonunun İkinci Şıxlı kəndi ərazisində olduğunu sübut ediblər.

Arif Məmmədovun sözlərinə görə, əvvəllər gürcü alimlər Xunan şəhərinin Tovuz rayonu ərazisində olduğunu əsas gətirərək, Gürcüstan sərhədlərinin Tovuzadək uzandığını iddia edirdilər.

“Lakin Xunan şəhərinin dəqiq yerinin aşkarlanması yeni faktlar ortaya çıxardı. Belə ki, ilk orta əsrlərdə hər bir iri feodal şəhərinin ən azı 150 kilometrlik məsafədə mərkəz rolunu oynadığını nəzərə alsaq, onda Xunan digər Azərbaycan torpaqları olan Borçalı, Başkeçid, Basarkeçər, Şəmşəddil, İrəvan, Tiflis və s. üçün də əsas mərkəz olub”, - Arif Məmmədov əlavə edib.